उंबरठ्यावरचं माप ओलांडून आत येताना जसं कौतुक झालं होतं तसंच आज शाळेत कौतुक झालं....परंतु आजचं कौतुक शेकडो मुलांच्या साक्षीनं होतं.. आम्हा शिक्षिकांच! 

महिला दिनाच्या औचित्याने रमणबागेच्या फरसबंद चौकात फुलांच्या पायघड्यांवरून शाला प्रमुख चारुता प्रभुदेसाई,पर्यवेक्षक मंजुषा शेलूकर व अंजली गोरे, प्रमुख अतिथी मेघा नगरे,सर्व शिक्षिका व शिक्षकेतर महिलांना व्यासपीठावर आणण्यात आले.  

प्रत्येक महिलेचा पुरुष सहकारी शिक्षकाने आपुलकीने भेटवस्तू देऊन सत्कार  केला.... 

प्रत्येकीच्या डोळ्यात आनंदाचे अश्रू दाटून आले होते...  

 प्रशालेचे माजी विद्यार्थी निलेश गिरमे यांनी महिला शिक्षिकांसाठी भेटवस्तू दिल्या. 

उपशालाप्रमुख जयंत टोले यांनी विद्यार्थ्यांना आई, आजी, बहिण यांचा सन्मान करण्याचे,त्यांच्या प्रति आपले प्रेम व भावना व्यक्त करायला सांगितले. प्रमुख अतिथी मेघा नगरे शालेय जीवनात शिक्षण संस्कार व जीवन कौशल्य विद्यार्थ्यांनी आत्मसात करावे असे आवाहन केले.रवींद्र सातपुते यांनी अतिथींचा परिचय करून दिला.कार्यक्रमाचे सूत्रसंचालन सुहास देशपांडे यांनी केले तर देवेंद्र शिंदे यांनी उपस्थितांचे आभार मानले.